Rapvanê Kurd Artesh piştî albûmên “Darfat” û “Shorshi Zhiri” bi albûma xwe ya sisiyan “Goranî Gewre” derket pêşberî hezkiriyên xwe.
Albûma Artesh “Goranî Gewre” li ser platformên dîjîtal belav bû. Artesh, rapvenekî Kurd ê ji Başûrê Kurdistanê ye ku van pêlan bi stranên xwe balê dikişîne.
Ew çend salên dawî rapa Kurdî çi li Ewrûpa çi li Kurdistanê bi rapvanên gênc geş dibe. Yek ji wan jî Hakim Artesh e ku bêtir navê Artesh di hunerê xwe de bi kar tîne. Wî salên bihurî du album derxistibûn; “Darfat” û “Shorshi Zhiri”. Niha jî bi rêya Red Music Digital bi albûma xwe ya sisiyan “Goranî Gewre” derket pêşberî hezkirên xwe. “Goranî Gewre” ji 15 stranan pêk tê û gotinên gişan ji alî Artesh ve hatiye nivîsîn. Meqamên stranan jî ji hêla DDaner ve hatiye danîn.
Kesera Kurdan û ciwanan
Her wiha wî bi xwe ji bo strana xwe ya Goranî Gewre ku navê albûmê ye jî, vîdyok klîbek çêkiriye. Di stranan de qal tê kirin ku Kurd dabeş bûne, zilm li ser Kurd û nexasim jî Kurdên Êzîdî heye. Li gel kêşe û meseleyên neteweyî yên Kurdan wî behsa nerazîbûna nifşê ciwan ji halê dinyayê jî dike.
Albûma Artesh “Goranî Gewre” bi rêya Red Music Digital li ser Youtubê û platformên dîtir ên dîtîtal belav bû.
NAVENDA NÛÇEYAN
