Festîvala Hunerî û Edebîyatî ya Cinîyan a 5. rayberîya Komîteya Kulturî û Hunerî ya Rojawanî de Merkezê Kulturî û Hunerî yê Mihemed Şêxoyî de dest pêkerd. Wendekarê Zanîngehê rojawanî, roşnvîrî, temsîlkarê dezgehanê komelkîyan û xeylêk cinîyî tewrê akerdişê festîvale bîyî. Salona festîvale bi posteranê mîrasê kulturî ameye pirrkerdene.
Merasîm de Anahîta Sîno, Darîn Gewriyê û Jînda Mihemed deyîrî vatî. Grûbê ke tewrê festîvale bîyî hunerê xo pêşkêş kerdî. Roja yewîne ya festîvale de tenteneyê destî ameyî peramotene. Festîvale de Şaîre Meryeme Temîr kitabanê xo do îmze bikera. Dima kayê tîyatroyî yê bi nameyê Qêrînî hetê Grûba Tîyatroyî ya Sarya Baran ra do bêro mojnayene. Grûba Şehîde Lorîne zî eseranê folklorê ereban do bimojna. Festîvale do bi merasîmê xelatdayîşî biqeda.
ANHA/QAMIŞLO
